الشبكة العربية

الإثنين 13 يوليه 2020م - 22 ذو القعدة 1441 هـ
الشبكة العربية

"الجماعة أجرمت وهي سبب الإنقلاب"..

قيادي إخواني لقيادات 30 يونيو والجماعة: اذهبوا للجحيم

أحمد المغير

هاجم أحمد المغير، القيادي الإخواني، قيادات جامعة الإخوان المسلمين وقيادات 30 يونيو، واتهم الجميع بالمسئولية الكاملة في افساد الحياة السياسية في مصر. 

وكتب المغير على صفحته على الفيس بوك: "الإخوان اخطأوا...لا بل أجرموا وهما سبب الانقلاب بتحالفهم مع العسكر بعد الثورة وادائهم السيء الفاشل واقصائهم لشركاء الثورة عشان كدة لازم يعلنوا تخليهم عن اي اطماع سياسية ويلغوا فكرة التنافس على السلطة بل ويعتزلوا السياسة كلها ويرجعوا للدعوة وترجع تاني بقى اللحمة الوطنية والاصطفاف من أجل اسقاط النظام".

وأضاف: "كلام جميل وانا معاك وموافق عليه بس....بس الكلام اللي فوق ده مبيتقالش ليه على العائدين من ٣٠ يونيو؟هما مش اخطأوا اخطاء اشد؟ بل هما مش اجرموا اجرام العن؟ هما مش القماشة النتنة اللي النظام غطى بها الانقلاب بتاعه؟هوا مش منهم اللي كان بيصب مجهوده كله في التسويق للانقلاب مستغلا علاقاته الدولية؟ هوا مش منهم اللي أيد كل المجازر اللي حصلت ضد خصومه السياسيين ومسبش مركب السيسي غير لما هوا اللي رماه منه؟هما دول ليه مش بيتقلهم اعتزلوا السياسة وأعلنوا بوضوح انسحابكم من التنافس على السلطة وارجعوا زي ما كنتم الحقوقي منكم حقوقي(معرفش ازاي حد ايده متعاصة دم يرجع حقوقي ما علينا) ، واللي بياكل عيش من تويتر يرجع تويتر واللي كان مسؤول عن حزب او حركة يستقيل ويترك المجال لغيره من اللي متلوثش بالعسكر وجرايمهم؟لما الاخوان بتتطالب بحل نفسها وترك الساحة السياسية ليه مش نفس المطلب بيوجه ل ٦ ابريل ولا حزب الدستور او مصر القوية او باقي الاحزاب الورقية اللي ايدت الانقلاب ووقفت معاه بشكل قوي، ما هوا اللي عنده اصطفاف لا ارادي وعاوز يصطف يصطف مظبوط، كل التشكيلة القديمة الفاشلة المجرمة زي ما هيا تصطف بنفس وجوهها القديمة البائسة بنفس اطماعها اللي ودتنا في داهية بنفس تشكيلاتها السياسية المترهلة يا اما كله يروح بيته والاخ بتاع الاصطفاف يفك زنقته في اقرب حمام عمومي".

وتابع : "عاوزين رأيي؟.. الوحيد اللي من حقه انه ينطق او يتكلم او يقول رأيه في الاحداث او يحدد مستقبل البلد وشكلها ، الوحيد اللي بجد من حقه يمارس السياسة ويتملك السلطة وتكون في ايده القوة هي ام او اب شهيد اتعدم ظلم او اتصفى في شقة او اتقتل في الشارع ، هي عروسة كانت بتحلم ببيتها الجميل وولادها اللي جايين فحولوا حلمها لكابوس بقتل عريسها او اعتقاله ، هو اخ ملهوف على اخوه المحبوس مؤبد ظلم بس عشان نزل يهتف للحق ضد الظلم ، هي بنت يتيمة ملمستش ايد ابوها ولا خدت من حنانه وكل ذكرياتها عنه هتكون شوية صور وفيديوهات جامدة مفيهاش مشاعر ولا احاسيس ، هو مطارد مبيبتش في بيته من شهور وكل يوم في مكان شكل وقرب ينسى شكل امه واخواته وكل شوية مداهمة لبيته وتنكيل لاهله ، هو مهجر هائم على وجهه في بلاد الدنيا غريب بعد ما صادر النظام السارق ماله واخد منه بيته وقبلها اخد منه وطنه".

واختتم المغير تعليقه: "أيها السادة المصطفون المحترمون من كل الجبهات والجماعات والاحزاب والحركات: "اصطفوا جميعا واذهبوا للجحيم".



 

إقرأ ايضا