الشبكة العربية

الأربعاء 20 نوفمبر 2019م - 23 ربيع الأول 1441 هـ
الشبكة العربية

لمؤيدي السيسي..

بعد كارثة الأمطار.. برلماني مصري : " كفاية تعريض.. وشوفوا شماعة غير الإخوان"

شردي
شن الإعلامي والبرلماني المصري محمد شردي هجوما على مؤيدي سياسات النظام الحالي في مصر، وأن ما حدث من كارثة الأمطار أمس، ما هو إلا حالة متكررة في كل دول العالم.
وكتب شردي على حسابه في فيسبوك : " بصوا بقى .. أنا ساكت تماما وكافي خيري شري ..  بس الناس المعرضة اللي خارجة علينا بصور أعاصير ومدن غرقانة وبلا أزرق وبتقول عادي بيحصل .. اسمحولي أقول لكم لا وألف لا وكفاية تعريض بقى وكفاية شماعة إن الإخوان بيستغلوا الموقف..  يعني نستحمل الغلط والفساد والتخطيط السييء علشان بعبع الإخوان بتاعكم ..  الشعب بقى بيهرج وينكت عليكم ".
وتابع قائلا :  " بعدين تعالى منك له ..  الصور اللي بتنزلوها دي لإحداث خارقة في بلاد مستعدة للحاجات العادية .. إحنا بقى المطار غرق والشوارع غرقت من ساعتين مطر ..  فوقوا إحنا بتفرج على فيديوهات لناس نازلة باللباس تعوم في النفق مش عارف ليه..  يعني حتى التصريف العادي مش عاملين حسابه وفي طرق جديدة مصروف عليها مليارات من جيوبنا انهار أجزاء منها.
وأضاف شردي في هجومه على مؤيدي سياسة النظام : " ماحدش يطلع يقولي إنهم بيشتغلوا ..  الشغل له أصول وله دراسات والطرق لها ميل وفيه حاجة اسمها بلاعات.. واللي حيقول إن ده مابيحصلش إلا كل فترة طويلة والاستعداد له حيكلفنا أقوله اتفرج على الشوارع والطرق القديمة من أيّام محمد علي يا روح أمك يعني كان استعدادهم غلط.. شوفوا نظام الصرف القديم للعاصمة يا معرض منك له والبناء الذي عاش وتحمل حتى اليوم وقارنه بالعك اللي بنشوفه النهاردة".
واختتم حديثه من حقنا أن نطالب بمحليات شغالة ويتم دعمها بإمكانيات ومن حقنا نقول فين أم البلاعة ..  يعني منتكلمش ولا نعبر ولا حتى نتريق على الخيبة التقيلة..  جتكم القرف كلكم واتنيل منك لها ونقطونا بسكاتكم لأن إحنا مش مستحملين تعريض أكتر من كده .. يا معرضين.
 

إقرأ ايضا