الشبكة العربية

الأربعاء 05 أغسطس 2020م - 15 ذو الحجة 1441 هـ
الشبكة العربية

بعد طول صمت.. مؤسس 6 أبريل يهاجم " محمد علي"

محمد علي
استنكر المهندس أحمد ماهر مؤسس حركة 6 أبريل الدعوات التي نادى بها المقاول المصري محمد علي.
وكتب ماهر في سلسلة تدوينات على حسابه في تويتر : " كالعادة مش عاجبني دعوات المقاول محمد علي.. ومش عاجبني كلامه من الأول. رغم انجذاب البعض لكلامه في البداية".
وأضاف ماهر في استنكاره لما يقوم به محمد علي : " بغض النظر هو مين وتاريخه، وبغض النظر عن تنسيقاته مع مين، لكن عندي مشكلة بالأساس في كذا نقطة جوهرية في اللي بيقوله".
وتابع قائلا : " نقطة العبوا مع بعض وبوسو بعض وماحصلش حاجة وكلنا واحد.. لأ كلنا مش واحد طبعًا، وحصل كتير جدا، ولسه فيه نقط جوهرية لم تحسم بعد".
وعن النقاط الخلافية التي لم تحسم بين القوى الثورية بجميع أطيافها يقول ماهر : " . لسه مفيش أرضية مشتركة، ولسه فيه خلافات خطيرة هاتظهر تاني زي ما ظهرت بعد ٢٠١١ وماكانش لها حل.. حتى اليوم. موضوع تطبيق الشريعة وأحكام ولا مبادئ أحد أبسط الأمثلة وقيس على كده كتير".
وأضاف ماهر أيضا عن هذه الخلافات : " مش بس كده، لسه داخل ما يطلق عليه تيار مدني أو قوى مدنية-إن صح توصيفهم كتيار أو توصيفهم كقوى- خلافات كثيرة وعميقة حول نقاط كثيرة لأن بينهم خلافات أيديولوجية وكمان شخصية عميقة ومتراكمة.. تكرار نفس الأخطاء حماقة".
وأوضح أيضا في حديثه : " النقطة التانية هي فكرة انزل وبعدين نشوف، يمكن قبل الثورة في ٢٠١١ ماكانش فيه بديل آخر، لكن مبدأ انزل وبعدين نشوف خسرنا كتير بعد الثورة، وفقدنا أعزاء وأصدقاء كتير بسببه، ناس فقدت أرواحها علشان فيه ناس قالت انزل وبعدين نشوف".
واختتم حديثه قائلا :  " آلاف الشباب اتحبسوا علشان محمد علي، رغم أنهم كانوا أبعد ما يكون عن فكرة النزول والمشاركة في أي حاجة، منوها " مش معنى كلامي إن الدنيا وردية وإن كل حاجة تمام، لكن قصدي إن لسه بدري كتير لغاية ما يتقال فعلا إن الكل واحد، بإلاضافة إن مش شرط يكون الحل في النزول".

 

إقرأ ايضا