الشبكة العربية

الجمعة 21 فبراير 2020م - 27 جمادى الثانية 1441 هـ
الشبكة العربية

آخر رسالة مسربة من سجن العقرب: " اشربوا مية مفيش أكل"

سجن العقرب
كشفت آخر رسالة تم تسريبها من سجن العقرب السيء الذكر في منطقة طرة، عن تردي الأحوال المعيشية للنزلاء، خاصة فيما يتعلق بأمور التغذية، أو ما يعرف اصطلاحا بين السجناء بـ " التعيين".
آخر رسالة قام بنشرها حساب " نحن نسجل"، المعني بجمع ونشر كل ما يخص أحوال السجناء جاء فيها : " بحجة ظروف البلد الصعبة وحالة الطوارئ، إدارة سجن العقرب قللوا من كمية الأكل المخصصة لكل معتقل، وقالولنا: "اشربوا ميه لغاية منشوف هنجيب منين ونأكلكم ايه".
كما كشفت رسائل أخرى تم تسريبها عن قيام  "ضباط المصلحة التابعة لقطاع السجون  ومعهم قوات خاصة وكلاب بوليسية اعتدوا علينا جوا عنبر العزل اللي حطونا فيه علشان يجبرونا نفك الإضراب وكان فيه صوت طلقات خرطوش تقريبا بره العنبر علشان يرهبونا، وسمعنا صوت عربية إسعاف جاية وقعدنا نكبر ونحسبن عليهم وعلى اللي بيعملوه فينا".
وفي رسالة أخرى فإن المخبرين التابعين لقوات السجن هددوا المعتقلين اللي منضموش للإضراب، وقالولهم بالحرف الواحد: "لو فكرتوا تدخلوا في إضراب نهايتكم هتكون قطران زي اللي بيحصل دلوقتي مع المضربين".
كما نشر الحساب عدة رسائل أمس عن أحوال المضربين داخل سجن العقرب، والذين تجاوزت أعدادهم 600 سجين.
وبحسب ما تم نشره فإن عدد المضربين تجاوز الـ ٦٠٠ مضرب داخل سجن العقرب: " إحنا بنموت في صمت، كونوا صوتنا، واتكلموا عنا علشان الكل يعرف إلي بيحصل وده أقل شئ تعملوه لينا، لأن لو سكتم محدش للأسف هيتحرك لينقذنا أو حتى يعرف بالإبادة الجماعية اللي بتحصل فينا".
 

إقرأ ايضا