الشبكة العربية

الإثنين 14 أكتوبر 2019م - 15 صفر 1441 هـ
الشبكة العربية

شاهد.. إمام مسجد بالقاهرة يعذب زوجته بطريقة وحشية

71688697_2377981355788664_950290440844738560_n-e1570101955696

“خلاصه 12 سنة، دي مكافأة نهاية الجواز” بهذه الكلمات روت سيدة تدعى “هـ-أ”، تفاصيل تعرضها للاعتداء اللفظي والجسدي على يد زوجها “م-ي”، إمام مسجد بالقاهرة في مصر.

وقالت السيدة، على حسابها الشخصي على موقع “فيس بوك”، إنها حاليا لديها كسر مضاعف في الأنف أدى إلى اعوجاج وتجمع دموي وأنها سوف تقوم بإجراء 5 عمليات بعد خمسة أيام لرد عضم الأنف مكانه.


 
وأكدت أنها خرجت بتقرير طبي على قسم الشرطة لتحرير محضر ضد زوجها، عقب التعدي عليها، ولكن وجدت زوجها سبقها إلى القسم وقدم ضدها محضر سب وتشهير به في مكان عمله.

 


وأشارت إلى أنها هي المضروبة، قائلة: “أيوه إزاي ده أنا رايحه بناء على رغبة دكتور هناك لا إزاي ماهوه لازم يكدب بس كذبك المره دي اتفضح، كلمت الدكتور صلاح قالي معاكي لآخر نفس وأشهد باللي حصل”.

وأوضحت: “الدكتور صلاح راجل عنده 80 سنة استعجزه واستضعفه وضربني قدامه، دكتور صلاح اعتذرلي وقالي أنا شاهد لو قعدتي عمرك كله تحلفيلي، أن محمد بيضربك مكنتش هاصدقك، قولتله وهوه كان معتمد على أن محدش هيصدقني ولما كنت أقوله هاتطلق لو مبطلتش تضربني يقولي هيقولوا عليكي تفه محمد يوسف، عاوزه أقولك كفايه بقى ظلم أنا مش زعلانه انا راضيه ربنا قدر الموقف ده يحصل عشان يكشف كذبك”.

 
واختتمت السيدة حديثها: “كنت فكراك غيرهم، بس العرق دساس، روح يابن الناس سترت عليك كتير، بس خلاص، ربنا أذن إني أعيش حياة كريمة أنا وعيالي ويغنيني عنك مش فلوس بس، لا يغنيني عن الذل اللي كنت عيشاه معاك عشان بحبك، وفوق وعيش اللي باقي من عمرك صح ومتشاركش في ظلم، وحقي هاخده منك ومن كل اللي شارك في ظلمي وخراب بيتي أنا وعيالي”.



 

 

إقرأ ايضا