الشبكة العربية

الجمعة 19 يوليه 2019م - 16 ذو القعدة 1440 هـ
الشبكة العربية

ميرهان حسين تروي أعجب ما رأته خلال فترة سجنها .. وهذا هو الدرس الذي تعلمته

ميرهان حسين
تحدثت الفنانة المصرية ميرهان حسين عن فترة السجن التي قضتها على خلفية إدانتها باقتحام كمين مخصص للشرطة .

وقالت "ميرهان" إن أعجب ما رأته بالسجن بعض السجينات اللواتي قضين مدد طويلة جدًا دون أن يضجرن .

وقالت في تصريحات برنامج "إم بي سي تريندينج" المعروض على قناة MBC4 : " "الفترة عدت عليا بأحسن حاجة ممكنة، ربنا يسرهالي جدًا، في الأول والأخر هي تجربة صعبة"، متابعة "لما وصلنا لمرحلة خلاص بقى حكم عليا وعلى الأطراف التانية نفس الحكم بالظبط، فكرت شوية وخدت قرار مع نفسي إني هروح أسلم نفسي وأنفذ الفترة دي واخلص من القصة دي تمامًا، عشان أفوق لنفسي وأفوق لشغلي وارتاح شوية نفسيًا، لأنها كانت حاجة ضغطتني وتعبتني الفترة اللي فاتت".
وأضافت "اعتمدت على ربنا في الأول وفي الأخر، ودعيت يارب يقويني وأقدر أكون قد القرار اللي أخدته، وأقدر أنفذ المدة عشان أخلص منها".

وعن السجينات اللاتي قابلتهن فترة حبسها قالت: "اتفاجأت إني مشهورة قوي مكنتش عارفة كده واني مشهورة للدرجة دي، كل الناس هناك بيحبوني حسيت إن ربنا بعتني أهون عليهم مبسوطين وشايفين حد يعرفوه وبيحبوه. شفت نماذج كتير ناس مظلومين وناس مجرمين مبقتش عارفة إزاي استحملوا يقضوا فترات طويلة جدًا، الواحد مكنش مستحمل مدة قصيرة زي دي حاجة صعبة جدًا".

وعن الدروس التي استفادتها من هذه التجربة، قالت: "استفدت اني عرفت قيمة النعم اللي أنا فيها، كل حاجة عندي ببقى حاسة انها طبيعية عرفت انها نعمة من ربنا، الدنيا غدارة مش مضمونة ممكن تبقى النهاردة وسط أهلك وناجح وتاني يوم يحصلك أزمة تبعدك عن كل ده".
 

إقرأ ايضا