الشبكة العربية

الثلاثاء 16 يوليه 2019م - 13 ذو القعدة 1440 هـ
الشبكة العربية

فيديو| ممثلة مصرية محجبة تصدم جمهورها: "ما عنديش مشكلة أعمل دور فتاة ليل"


شنت الممثلة صابرين هجومًا لاذعًا على منتقديها بسبب رأيها في الحجاب، قائلة: "فاضيين.. اشغلوا نفسكم بنفسكم، صلوا أكتر، وادعولى من قلبكم لو بتحبونى، إن ربنا يدينى الطريق الأصلح".

وأضافت في مقابلة تليفزيونية مع فضائية "on e"، أنها دائمًا تأخذ أي قرار بعد قناعة تامة، مشددة على أنها تركت الفن بسبب ظروف شخصية، وليس لحرمة الفن أو غير ذلك مثلما قيل من بعض الأشخاص.

وتابعت: "أنا مرة طلعت فى برنامج وقلت أنا مش محجبة، وبلبس باروكة، عاجبنى الاستايل ده، وطلعوا قالوا الإسلام مش ستايل".

وروت صابرين موقفًا مع إحدى السيدات بهذا الخصوص: "قابلتنى واحدة فى المول وقالتلى مش انتى مش محجبة، ليه لابسة دى؟"، متابعة: "قلتلها محبش أعمل شعرى، وبخاف على شعرى ليوقع".  

وعن منتقديها بسبب الحجاب، تقول:"اللى ينزل معايا القبر يقولى ألبس ايه وملبسش ايه، لأنى هنزل لوحدى محدش معايا، فى أوروبا ناس بيلبسوا كات وأحسن منى مليون مرة، متبصوش للناس من صورهم الخارجية".

وأردفت: "عمرى ما قلت الفن حرام، واعتزلت فترة لظروف شخصية، حصلى حاجة غريبة من النجاح، وبقيت خايفة منه، ومبقتش بحب النجاح أوى، أنا قعدت فى البيت ابنى تعب أوى واتطلقت، الله أعلم عين ولا ايه".

وذكرت أنه لو عُرض عليها دور فتاة ليل ستقبله، ويمكن أن تقوم بمفردات تظهر أنها فتاة ليل، وليس شرط أن تظهر بملابس عارية.

 

إقرأ ايضا