الشبكة العربية

الثلاثاء 07 أبريل 2020م - 14 شعبان 1441 هـ
الشبكة العربية

شاهد| فتاة مصرية مصابة بـ "كورونا" توجه رسالة "تحذير" من داخل الحجر الصحي


وجهت فتاة مصابة بفيروس كورونا، رسالة من داخل الحجر الصحي إلى المصريين ناشدتهم فيها أن يلزموا بيوتهم في هذه الأيام وأن يتوخوا قدرًا كبيرًا من الحذر، حتى لا يصابوا بالفيروس المميت.

وقالت الفتاة المحتجزة في مستشفى العجمي غربي الإسكندرية في مقطع فيديو عبر موقع التواصل الاجتماعي "فيس بوك"، إنها كانت تعاني في البداية من أعراض خفيفة، لكن التحاليل التي أجرتها أثبتت إيجابية إصابتها بفيروس كورونا.

وأضافت محذرة: "الموضوع خدوه جد مش هزار خالص، خللي بالكم من نفسكم ومن أهلكم.. بلاش زيارات. بلاش نقابل أصحابنا على أنه عادي.. علشان أنا عملت كده وكانت غلطة كبيرة مني.. كنت بخرج وبدخل عادي.. وسافرت مصر ورجعت".

وتابعت: "الموضوع مش بالاستهتار اللي الناش شايفاه.. مش بعيد عننا.. أنا كنت متخيلة مش هيجيلي وإنه بعيد عني، طلع مش بعيد، أي حد ممكن يتصاب به، أرجوكم خدوا الموضوع مش باستهتار خالص، ما تزوروش بعض يا جماعة، علشان أنت ممكن تزور حد كبير في السن، وأنت صغير في السن، بس تأذيه هو، ممكن يبقى أمك أو أبوك، أو عندك طفل صغير، وأنت بتخرج وبتروح وبتيجي وتقابل الناس، أنت تاخد المرض وتنقله لحد يأثر فيه".

واستدركت قائلة: "إحنا سننا صغير والحمد لله، ممكن مناعتنا تحارب الفيروس، ويطلع من جسمنا، بس ممكن ناس تانية لأ.. فيه ناس تانية لا الفيروس يأثر عليها ويجرى لها مضاعفات مش كويسة.. هي أمانة إن إحنا نخلي بالنا من نفسها واللي حوالينا".

كما حذرت الفتاة من المصريين التهافت على شراء المواد الغذائية وتخزينها في بيوتهم.

وقالت: "بلاش يا جماعة موضوع أنكم تنزلوا وتشتروا أكل بطريقة بشعة، بس جيبوا بس اللي يكفيكم وتحطوه في البيت علشان تاكلوا وتشربوا، بس بلاش البشاعة في التاعمل مع الوضع، أو الأنانية، علشان في مصر ناس غلابة، إمكانياتها ما تقدرش إنها تشتري الأكل لمدة شهر، فيه ناس يتخرج علشان تجيب قوتها يومها، فلو خلصنا السلع الأساسية من السوق، فيه ناس تانية هتتأثر".

وحذرت في ختام الفيديو، قائلة: "الموضوع خطر يا جماعة، اقعدوا في البيت، الطريقة الوحيدة للوقاية لأن الخروج خطر، ممكن تصاب به في المواصلات، أو في العمل، أو في أي مكان، حافظوا على أنفسكم، الناس المضطرة تنزل للعمل طول ما أنت بره البيت ما تلمس وشك، وكل شوية اغسل شوية، وأول ما تروح البيت لو عندك أطفال صغيرة، كل شيء لمسته عقمه مفاتيحك وأوكرة الباب.. ودعواتكم ربنا يشفيني وأخرج من هنا على خير".

 


 

إقرأ ايضا